"فريق نبض..فريق طبي تطوعي بيضم شباب وشابات من السنة التانية لكليات الطب البشري والصيدلة والاسنان
-شو هو هالفريق جاية عم تجدبا علينا يعني شو نشاطتو شو شغلو شراح متل الخلق؟
نشاطات الفريق كتيرة اولها فرق لكتابة المحاضرات
ضمن الكليات التلاتة يعني بتنعطى المحاضرة من هون والفريق بينزلها بعد كم يوم من هون مشان تلحقو تدرسوها عالسريع وما يتراكم شي :3 وانشالله حتعجبكن وحيكون في عنا مفاجئات كتير وملاحق كتير بتساعدكن بالمواد خلال هالفصل
بالاضافة على هالشي الفريق حيعمل دورات #مجانية وفعاليات سيقيمها الفريق الاسبوع القادم سيعلن عن موعدها المحدد ببوست مستقل
وطبعا الفريق كان من المشرفين على فعالية ومن احياها ودورات الاسعاف الاولي الي لساتها شغالة لهلق.. وشارك الفريق بحملة بدنا نعيد بكفي حرب بالتعاون مع فريق عمرها..
-شو بميز فريق نبض الطبي عن غير فرق يعني كل الفرق بتكتب محاضرات شو الجديد مثلا ؟
انشالله المحاضرات تبع الفريق حتكون كافية مية بالمية وكل الي حينحكى داخل المحاضرة حينكتب وحنحاول انو يتم تدقيق المحاضرات من قبل دكاترة المقرر حتى نتجاوز انو نقع بأي غلط ولو انو كل بني ادم خطاء��
وعم نشتغل عفكرة انو نفتح مكتبة كتب خارج الكلية يعني مثلا حبيت ارجع لمرجع بالتشريح او النسج او الكيماء الحيوية بحسن انزل عمكتبة الفريق واعد اتصفح بالكتاب الي بدي ياه..
وكمان بعد شوي لما حنبلش بتشريح الراس حيكون معنا جماجم وممكن انو ندرس عليها وتشوفو ادامكن الجمجمة لتترسخ المعلومة بتعرفو بالكلية عنا كتير منفهم ومنشوف بالعملي :3
حاليا تم اكتمال فريق الطب البشري فقط وانشالله حيكملو معكن كل السنة"
